Andreas K Buset (1888-1968) var frå Johansgarden på Buset. Skulevinteren 1910/11 var han elev ved Gjermundnes Landbruksskule i Romsdal. Kring 1913 var han med Ramoen på fiske ved Island.
I mai 1915 gifta han seg med Lars-Anna i Sørevartdal. Hausten det året var han ein av to trulovarar for Ole J Vartdal (Pe-Ole) då denne vart vigd til Anna Brekke til frå Sande, Olai Berg den andre trulovaren.
År 1917 fekk Andreas skøyte på ein part av farsgarden åt kona Anna, på nord-/austsida av Storelva. Her fekk han reist løe og stove, bygningar som står i 2026. Buset var aktiv innom landbruket i bygda, i lang tid medlem i jordstyret, også mange år formann i same. Våren 1929 stilte han ut merra Erla ved eit sjå i Ørsta. Han styrde trygdekassa i Vartdal kommune i årevis. Også medlem i fleire kommunale nemnder.
Andreas og Anna fekk dottera Edith, som var gift med Olger Olsen. Dei fekk ikkje born.