Oline Nilssdotter Remmen (1839-1922) var frå Åmundegarden Sætre. I 1865 tente ho i Berngarden Årset. Fem år seinare gifta ho seg med Ivar Askjellsson Røysetbakk frå Hareid. Han fekk ved den tid bygsla den fremste Remeplassen, mange åre etter hans tid matrikulert som Bakken (brnr 3). Ivar døydde så tidleg som 1892. Oline levde åleine på Remebakken til ein gong etter 1900, i 1910 budde ho på hovudbruket på Remen. På sine eldre dagar fekk ho fattighjelp av kommunen. I desember 1920 budde ho hos familien til Anne Marta Sætre på Stupeneset, ho var enkje etter ein slektning av Oline. Drygt eitt år seinare døydde Oline, i fylgje kyrkjeboka på Remen. (Vartdalssoga I tek livet av Oline i 1919, ein sjeldan feil, der i garden.)
