Elina B. Buset (1857-1930) var frå Åmundegarden Hustad i Hjørundfjord. 18 år gammal hjelpte ho «Moderen» heime på Hustad. Ein julidag ti år seinare stod ho brur i den då ganske nye Hjørundfjord-kyrkja. Ektemaken Johannes frå Buset vart då nemnt husmann. To år seinare fekk han for 2400 kroner kjøpe garden far hans hadde drive som leiglending i 25 år, ettersom eigaren av bruket utvandra til Nord-Amerika. Elina vart mor til sju born, ei jente drukna den 27. juni 1897 i ein brunn, 22 månader gammal. Eldsteguten Bernt bleiv på nordmørshavet i 1906. I si tid tok sonen Hans over bruket som til dagleg vart kalla Plassen. Dei hina borna flytta over tid ifrå Vartdal. Karolina [Veibust] til Sula, Rasmus til Ålesund og seinare Volda, Laura [Hustad] til Hjørundfjord, og Anton etterkvart til Oslo.
Eline sengeliggande heime på Buset på sine eldste dagar. Foto: Laura Hustad.