Andreas Olsson Buset (1806-1880) var ein husmannsson frå Rotset i Volda. I 1833 vart han vigd til Larentse Hanssdotter Bjørndal, ho var 10 år eldre han. Dei sette bu på Buset, på ein eigedom som Larentse hadde fått skøyte på av far sin. Denne eigedomen, den seinare Johansgarden, var då det største bruket på Buset. Andreas var spelemann. Han drakk brennevin, så mykje og ofte at han «heldt på å setja Busetgarden overstyr», heiter det i fyrste bandet Vartdalssoga. I samtida vart han sikkert kalla drikkar, hundre år seinare ville mange kalla han for alkis. Svigerfaren Hans Larsson Bjørndal kjøpte i 1836 garden tilbake. Året etter fekk Andreas bygsle halve gardsbruket av svigerfaren. Andreas og Larentse vart verande barnlause, og tok kår i 1860.
