Torsdag 26. november 1936 i Göteborg, klokka 18, «overtagelsen av båten [Ramoen] ferdig, båten besiktet og sjødyktig stand for reisen til Ålesund», skriv vakthavende Blankholm i skipsdagboka for Ramoen 1936-39 og 1950. Los kom ombord klokka 19 og etter hans anvisningar vart sett kurs mot Vinga, der losen gjekk frå borde klokka 20.20. Klokka 21 sette ein logga i sjøen. I løpet av natta passerte Ramoen både Skagens rev og Hanstholm. Klokka 10 tvers av Oksøy fyr og klokka 1515 tvers av Lista fyr, 2 mil av. Klokka 10 laurdagen gjekk Ramoen inn Feieosen og for å fylgje leia. Gjennom Skatestraumen utpå kvelden, ved midnatt tvers av Larsnes «går nord Storfjorden». Klokka 03.30 sundagsmorgenen klappa Ramoen til kai ved Tollbuda i Ålesund, innklarering. Turen rekna som avslutta. På ferda Göteborg–Ålesund veksla Vartdal og Blankholm om å føre Ramoen.
Måndag 30. november vart Ramoen «fortøyet på Hjørungavåg for vinteroplag». Her vart båten liggjande til den 10. april 1937, då D/S Kirkholmen slepte Ramoen til Liaaens mekaniske verkstad i Ålesund for «reparasjon».
Onsdag 23. juni 1937 gjekk skipper Alv P Sætre med Ramoen frå Liaaen til Vartdal «med det nedriggede tråler utstyr». Klokka halv fem neste morgon barst det avgarde til Ålesund. Der lempa dei iland 200 tønner til «Flattmark for pakning av salt». Etter mange timar på Liaaen-verkstaden, kom ein Veritas-mann ombord klokka 18 «for prøvetur», «forløp utmerket». Kokka 20 byrja ein å bunkre kol ved Møre Kullkran. Neste morgon klokka 06.30 ferdigbunkra med 132 tonn. Etter nye timar på Liaaen, gjekk Ramoen i 15-tida til Flatmark og tok ombord 325 tønner salt. Laurdag 28. tok dei ombord 5 «låskjetting på Stornespiren», pakka 130 tønner finsalt med Steffensen, før Ramoen om ettermiddagen gjekk til Vartdal og fortøya. Måndag føremiddag frå Vartdal til Ålesund der dei heldt fram klergjering for tur til og med onsdag. Seint onsdagskvelden kom notbåtane som dei henta ved Ekenes. Natt til torsdag 1. juli kasta Ramoen laust frå Ekenes og stima ut Nogvafjorden.
Sundag 4. juli land i sikte. Passerte Langanes klokka 12, «styrer inn til Brimnes og tørner». Etter eit par timar med klargjering, heva Ramoen anker og gjekk vestover. Ved midnatt kasta dei på Grimsøyflaket og fekk 23 tønner matjes. Vestover til Skagen, men ingen sild den 5. Tysdag 6. tung sjø, inn på Hunafloi og ankra under Kaldhammer. Letta anker klokka 4 onsdag 7. Tjukk skodde, inga sild, loddskot ca 60 famner. Torsdagen mykje det same. Fredag gjekk Ramoen mot Grimsøyflaket i 7 mils fart med «de reglementerte tåkesignaler», lodda etter sild men inga sild å sjå. Laurdagen utan sild.
Sundag ettermiddag eit kast som gav ca 300 tønner. Byrja salte silda i 8-tida om kvelden. Måndagen friskna vinden og Ramoen gjekk så nær råd «linien» (fiskerigrensa) ved Adalvik. Saltinga ferdig klokka 17, spylte reint før dei gjekk opp mot land og ankra. Tysdagen vart brukt til å lodde etter sild. Onsdag 14 gjekk dei ut om linja for omstuing av salt. Fredag til ankers ved Granalid. Fredag 16. kasta klokka 1130 og fekk ca 200 tønner, håva på tre timar. Sløra unna i sakte fart. Laurdagen var karane i arbeid med silda, ut for Omundarfjord.
Sundag 18. kasta Ramoen klokka 20.30 og fekk ca 150 tønner sild. Måndag 18. klokka 17 «igjenslått». Tysdag klokka 04.00 kasta nordaust av Straumsnes, ca 200 tønner sild ferdigsalta klokka 14, ankra klokka 16. Natt til onsdag 21. ut om grensa og «slår igjen». 202 tønner matjessild lasta over i Polhavet. Inga sild å sjå torsdagen. Klokka 3 fredag «traff snurpeflåten på Skagebankens vestkant». Kasta klokka 10.30 og fekk ca 130 tønner, ferdigsalta klokka 17. Laurdag klokka 4 letta skodda. To bomkast i løpet av morgonen. Nytt bomkast om ettermiddagen. Etter midnatt inn til klarering hos sysselmannnen i Skagastrand. Etter eit bomkast klokka fekk Ramoen ca 30 tønner av m/s Koralen. Deretter austover for å laste over i s/s Storesund, lastinga tok fem timar frå klokka 14. Nytt bomkast før ein kvart over 9 om kvelden fekk ca 200 tønner.
Ferdigsalta måndagmorgonen den 26. klokka 08.00. Slo igjen klokka 14, praia Storesund nordaust for Siglunes om ny leveranse. Ferdig med lastinga klokka 19, bomkast. 364 tønner levert Storesund den fyrste dagen, 223 tønner den andre. Ingen kast tysdag. 47 tønner i eit kast midt på dag den 28. Torsdag 29. stoppa Ramoen om morgonen på Grimsøyflaket, to bomkast. I tida 15–22 tre kast som gav til saman 307 tønner. Fredag den 30. ferdigsalta klokka 13. Vind aukande til liten kuling, ankra fyrst opp vest for Grimsøy, flytta så til nordaust for øya. Laurdag klokka 14 kasta på Grimsøyflaket. 121 tønner ferdigsalta klokka 23. Ankra på Flatøsund. Sundag 1. august inn til Siglufjord og fylte vatn frå klokka 20.30 og tre timar framover.
Måndag 2. august forlakte matjessild frå klokka 8 til 12. Klokka 19 kasta nordvest av Grimsøy og fekk 200 tønner salta og matjes. Tysdag låg Ramoen på drift ved Grimsøy, «slo igjen» klokka 18. Onsdagen kasta klokka 19.30 og fekk 54 tønner matjes. Torsdag 5. leita etter sild, kasta klokka 19 og fekk 46 tønner matjes. Fredagen søraustkuling, til ankers under Grimsøy. Laurdag og sundag endå meir kuling, låg til ankers ved Grjotnes og sidan Tjornes.
Måndag 9. august kursa mot Grimsøy, så den 10. vidare til Månøyane. Om kvelden på drift, forlakte sild. Onsdag 11. kasta klokka og fekk 7 tønner matjes, nytt kast klokka 19 gav 78 tønner matjes, gjekk så inn mot Røde Huk. Torsdag 12. eit bomkast, sterk straum, ankra om kvelden ved Grotnes. Fredag den 13. forlakte sild. To kast klokka 18 og 20, til saman 216 tønner «matjes og salter gikk inn mot Aksafjord» klokka 23 og la stilt. Laurdag i «arbeide med sild». Sundagsmorgen 15. kasta tre gongar og fekk ca 66 tønner salta og matjes. Sidan tre kast frå 16 til 21. Total fangst ca 220 tønner, inn til Aksafjord. Ferdigsalta klokka 10.30 måndagen, om kvelden ut for «linja» og «slo igjen».
Tysdag 17. august gjekk til Røde Huk «for å forbindelse med Sno for overlasting». Onsdagen frå klokka 14 til 19 lasta 200 tønner matjes over i Sno. Torsdag 19. kasta klokka 18 nordaust av Rivsnes, ca 195 tønner salta og matjes. Fredag klokka 08.00 fekk Ramoen 60 tomtønner av Sno. Vidare til Grimsøyflaket og tok ombord 48 tønner salt frå Havmann og Kirkholmen, fekk 200 tønner sild av Kirkholmen. Natt til laurdag 140 tomtønner frå Sno. Fråk lokka 6 lasta 150 tønner matjes over i Sno. Dernest «kulling fra reservebaks» og forlaking av sild.
Sundag 22. august klokka 14 var dei «ferdig med forlaking og nedsetting av sild». Klokka 19 tok heimturen til, styrte mot Langanes i laber sørvestleg bris og skodde. To timar seinare passerte Ramoen Langanes og sette loggen på 0. Utpå dagen den 24. «Svært overvann, fartøyet arbeider tungt i sjøen». Klokka 20.15 lagt bakk og logga hala inn. Torsdag 26. august klokka 06.20 «Rundø fint om b.b. baug». Kursen lagt om. Voren på tvers klokka 8, logga inn. Fortøya ved Skansekaia for klarering, vidare til Spjelkavik og fekk hengt nota. Klokka 13 gjekk båten til Vartdal og fortøya ved sjøbuda for å ha i land diverse utstyr.
Fredag 27. august til Ålesund klokka 0315. La til på sida av Sno for å ta ombord 350 tønner matjessilda. Klokka 20 til «Våges bod i Skarbøvik» og lossa. Ferdiglossa klokka 24. Laurdag 28. klokka 05.00 til Møre Kullkran og tok ombord 30 tonn kol. Klokka 7 til Storneskaia og lasta ombord frå Osnes 400 tønner sild. Om ettermiddagen heim til Vartdal.
Den 29. august gjekk Ramoen frå Vartdal til Stockholm med sild.