Rasmus Olsson Festø (1887-1971) var frå Festøy, yngre bror av Nils O Festøy. Rasmus var i 1907 skyttar på ishavet. Sommaren 1908 var han skyttar om bord i «Vesterisen», ei av dei norske ishavsskutene som drog lenger nord langs austkysten av Grønland enn noko norsk farty tidlegare hadde vore. Åra kring 1910 var han med dekksbåt på vinter- og sommarfiske. I desember 1910 låg han i fiskje på Alnes, budde hos fiskarfamilien Peter K Alnes. I 1912 tok han til att på ishavet, heldt sjølvsagt fram som havfiskar. Ishavsskipper 1915, -17, -18 på dampskipet «Harald», og skipper 1924 og -25 på fiskebåten, MS «Skandsen». Han var aktiv i fisket til ut i 1930-åra. I 1938 kjøpte han Fiskecentralen på Skjerva i Ålesund og dreiv denne fiskehandelen til ut på 1950-talet.
Seinhaustes 1914 gifta skipper Rasmus seg i Borgund kyrkje med Anna M Veddegjerde frå Sula. Med åra vart Rasmus og Anna foreldre til minst(?) 4 born. I 1920 budde Festø-folket i Giskegata i Ålesund, seinare sette dei bu Kjøpmannsgata.
Rasmus O. Festø i 1907. Foto. Enok O. Simonæs. Kjelde: Fylkesfotorarkivet.mr.