Meny Lukk

Formuesskatt 1907 i Vartdalstranden

’’Handels- og Adressekalender for Romsdals Amt», ei bok utgjeven i Ålesund i 1907, inneheld opplysningane om inntekt og formue for alle skatteytarane i kommunane i Romsdals amt. Det var opp til likningsnemnda i den enkelte kommunen å bestemme skattegrunnlaget for ibuarane, dei vart skjønnslikna.

Kårmannen Sivert Eriksson Sætre (1842-1909) vart likna for den høgste formuen. Han hadde drive Syvergarden (bruksnummer 10), halve jordparten av Pegarden, eit bruk som i 1907 hadde gått tilbake til Pegarden. Sivert og kona Jettina fekk ikkje born, det kan vere ei forklaring på at han rådde over den høgste formuen i kommunen. At ikkje ein einaste person skilde seg vesentleg frå dei andre med høgare formue, syner eit samfunn av jamlikar utan kaksar. Samstundes viser det eit bondesamfunn der ingen enno har hatt høve til å byggje ein formue basert på utstrekt bruk av leigd arbeidskraft.

9000 Sivert E Sætre

8900 Ole E Lynge

7600 Andreas M Romestrand

7200 Fredrik Lynge

7000 Petter S Masdal

6300 Hans G Aarset, Jørgen N Romestrand, Knut S Sørevartdal, Johannes K Sørevartdal

6200 Elias I Sørevartdal

6100 Iver E Romestrand

6000 Hans E Aarskog, Marie M Erdal, Ole N Masdal

5700 Olav Myklebust

5500 Hans P Masdal, Johannes S Nørevartdal

5300 Johan Johannesson Nørevartdal

5000 Karl J Aarset, Rasofiel B Festøy, Johannes O Lynge, Laurits V Masdal, Johannes G Myklebust, Peder J Nørevartdal, Ole Rotnes, Andreas A Sætre, Hans E Sætre

4700 Rasmus B Festøy

4500 Knut J Buset, Knut J Romestrand

4400 Johannes R Sætre

4200 Peder K Nørevartdal

4100 Jørgen Barstad, Vilhelm Lynge

4000 Iver A I Aarskog, Rasmus Aarset, Sivert J Aarset, Mads H Aarset, Peder E Aarset, Ivar O Barstad, Edvard Melbø, Knut O Myklebust, Bernt J Nørevartdal

Kona til Sivert E Sætre, Jettina (1845-1924), var morsyster til Paul R Sætre (1873-1967). Borna hans, Sigmund, f. 1916, og Jenny, f. 1919, heitte etter Sivert og Jettina.