Randine Moe (1868-1949) var barnefødd i Gullikegarden på Sætre. Far hennar døydde då ho var 14 år gammal. Frå den tid, kanskje før, voks ho opp hjå morbroren Ole Guttormsson Håvoll, gardbrukar på Håvoll i Ørsta, han var opphavleg vartdaling frå Guttormegarden Myklebust. Randi tente i Svendsengarden i Ørstavik fram til ho i 1892, i bryllaupsmånaden juni, vart vigd til Enok J. Moe i Ørsta-kyrkja. Ho og Enok var gardbrukarar i Andersgarden på Mo i Ørsta (18/10), farsgarden hans. Fram til 1907 vart dei foreldre til seks born: Jakob, Rasmus, Ragnvald, Ola og tvillingane Aagot og Ragnhild.
