Meny Lukk

Folk frå fortida – Petter H. Masdal

Petter Hansson Masdal (1879-1950) var frå Hansgarden. Han bygde stovehus og løe med fjøs i Bjørkalia, eit stykke aust om farsgarden som vart frådelt farsgarden i 1916 . I 1906 fekk han med seg Nils og Rasofiel Ødegård og kjøpte 42 fot lange Lugger, året etter sette dei motor i båten. Men båten var lite tids og dei selde han etter nokre få år. Vinteren 1910 var Petter i staden oppsynsmann under vårtorskefisket i Giske oppsynsdistrikt. Før 1914 fekk Petter og dei to Øggards-karane med seg tre andre karar og skaffa seg 38 fot lange Kveldulf. Denne båten, som hadde ein 10 HK Alpha, var i minste laget til drivgarnsfiske. Ein gong før 1920 stod Petter i spissen for sju mann då ein bytte 38-fotingen ut med 45 fot lange Fram. Med Fram (M-7-VD), som vart registrert med ein 30 hestars Rekord-motor, dreiv karane sildefiske og torskefiske fram til båten vart seld i 1930. Kring 1920 bygde Petter og brørne Hans og Mads eit lite kraftverk ei 150 meter opp om dagens europaveg. Dermed hadde ei lys i husa sine, mange år før dei fleste andre på Vartdalsstranda. Kraftverket fór avgarde under rasulukka i Bukta sommaren, men då ha dei forlengst kopla seg på Risaskar-krafta. I 1924 starta dei tre brørne opp H. Masdal Sølvrevegard med to revepar. Sidan dreiv dei pelsdyravl i fleire tiår. 1. mars 1925 opna Masdal Brevhus i Bjørkalia. Petter var gift 1906 med Oline Ivarsdotter Sulesund (1882-1984). Frå 1908 til 1918 vart dei foreldre til Margrete (Bakke), Ingrid (Rødal), Oddbjørg (Ulfseth), Hans P. Masdal, Marie (Bjåstad) og Laura (Moldskred). Alle borna flytta frå Vartdal.

Legg igjen en kommentar

Din e-postadresse vil ikke bli publisert. Obligatoriske felt er merket med *