Ola Hansson Sætre (1874-1946) var frå Larsgarden på Sætre. 16 år gammal var han i teneste i Sevringarden på Gjerdet i Hareidsdalen. Sidan livnærte han seg som fiskar, budde heime på Sætre i 1900. Noko etter hundreårsskiftet byrja han, i tillegg til fisket, å arbeide i Statens Hamnevesen. Han tok til som «Steinarbeider», men var lengste tida skytebas. Slutta i hamnevesenet etter over 30 års tenestetid. Ola var gift 1910 med Anna Tunheim frå Engeset i Volda. I 1912 fekk dei opp eit bustadhus på ei festetomt i nærleiken av heimen hennar. Åra frå 1911 til 1923 kom borna Harald, Borghild, Lars, Hjørdis, Aslaug og Ragna til verda. Ola var morfar til skulemannen Eivind og bankmannen Harald Indresøvde.
