Rasmus K. Vartdal (1876-1960) var gardbrukar i Larsgarden i Sørevartdal. 17 år gammal var han den yngste som skreiv seg inn som medlem då det i 1893 vart skipa eit Venstre-lag for Vartdalsstranda. Eit innlegg i eit blad frå 1899 viser at han våga kome med meiningar i offentleg samanheng. I 1912 forliste Rasmus, faren Knut og Guttorm J. Myklebust med ein kufarm ut for Haugen i Almestranda. Han dreiv fiskje og i 1917 var han med «Veidemann» i ishavet. Rasmus var heradsstyre-medlem i fleire periodar, truleg samanhengande frå 1911 til 1928. Seinare var han med i likningsnemnda i fleire år. Han var gift med Karen Helseth frå Kornstad på Nordmøre. Saman fekk dei borna Emma, Johan, Egil og Solveig i åra frå 1906 til 1914.
