Tredje bandet av Vartdalssoga, side 504, referer noko Nikka Trandal (1890-1985) fortalde om barneforeininga «Veslegreina»i Nøre-Vartdal-bygda. I mange år hadde foreininga kontakt med ei lita jente frå Madagaskar. Ho heitte noko slikt som Ravonamanga. Borna i «Veslegreina» tok frå 1901 til å samle inn pengar til mat, klede og skulegang for henne. Gjennom ein kvinneleg misjonær skreiv borna brev til henne, og fekk svar attende med bilete. Fotograf Wennberg i Ørsta laga ein kopi til kvar av dei. Då Ravonamanga vart konfirmert, fekk ho ein kvit kjole med breitt, blått silkeband av «Veslegreina». Seinare vart ho gift, men døydde ung.
Like fotokopiar av ei negroid jente finst i gamle biletalbum med opphav i Hansgarden og Ivagarden på Årskog. Det kan ikkje vere særleg tvil om at dei syner Ravonamanga.
