Meny Lukk

Folk frå fortida – Hans Larsson Sætre

Hans Larsson Sætre (1841-1913) tok over farsgarden Larsgarden i samband med at klyngjetunet på Sætre vart utskift i 1864. Larsgarden fekk såleis eit «heilt og samanhangde innmarksområde». Alle husa, så nær som naustet, vart flytta og oppsett kring eit tun på ein låg rygg, rabb ute på «Sæssflata». I mange år var Hans ringjar i Vartdal-kyrkja, hadde elles oppgåva med at det var ro og orden i kyrkja (kalla stottarkonge) under preikesamlingane. Hans var fyrst gift med Jettine Massdotter frå Årset og sidan Andrine Johannessdotter frå Remen. Med Jettine fekk han borna Lars, Mads, Anna [Halkjelsvik], Karen, Ola, medan Andrine vart mor til Johan og Hans. Korkje Karen eller Ola fekk lange liv. Hans Larsson Sætre døydde av «Slag». I gravølet etter han vart det ikkje servert kringle, noko som til dess hadde vore fast tradisjon.