Karen Hanssdotter Aarskog (1878-1931) var frå JoPe-garden på Årskog. Då den einaste broren hennar, Elers, døydde 13 år gammal, fekk ho odelen til farsgarden. I vaksen alder delte ho og systera Maria JoPe-garden mellom seg. Våren 1902 gifta Karen seg med Andreas Grønnevet (Aarskog). Dei sette opp nye hus straks heimom det opphavleg JoPe-tunet. Det skulle gå nærare 14 år før dei Karen og Andreas fekk born, vinteren 1916 kom dottera Ragnhild og hausten 1917 Borghild (Vartdal). I 1920-åra leidde Karen «Veslegreina», ei kristelegsinna jenteforeining i Nøre-Vartdal-bygda, møta heldt ho då jamnast heime hos seg. Karen døydde av magekreft, 52 år gammal. Borghild, den gongen 13 år gammal, sa seinare at på mange måtar var barndommen hennar då over: vaksenpliktene stod i døra.
