Arne Masdal (1925-1942) var son til Anna A. og Laurits O. Masdal. Arne voks opp i heimen deira på Masdal. Etter rasulukka i Bukta sommaren 1940 flytta heile familien til Nøre-Vartdal. Arne var med fiskebåtane «Lepsøy» og «Astrid» på sjøen. Etter ein Ørsta-tur våren 1942 kom Arne heim, sette seg på vedakassa og byrja ta på seg nokre nye sko han hadde kjøpt. Brått kjende han seg dårleg, gjekk og la seg. Han berre ringnast, så doktor Giske i Ørsta vart bodsend. Ein helgedag i påska kom doktoren på ski gjennom dalane. Ned på Sessane i Nørevartdaldalen komen, var det snølaust. Siste stykket gjekk doktoren til fots. Han konstaterte giktfeber, ein infeksjonssjukdom som hemmar hjartet. Etter ei åttedagar til sengs, natt til 1. påskedag 1942, døydde 17-åringen Arne. (Kjelde: Åsmund Masdal.)
