Jørgen Barstad (1862-1936) var gardbrukar på farsgarden Jogarden frå 1903. I juni1893 averterte han «En god søndmørsbaad billig tilsalgs» i Bodø Tidende. Truleg var det det året han byrja arbeide på Bodø Teglverk. Dei neste åra var han hyrebas og formann for vartdalingane som sommarstida arbeidde 4-5 månader på teglverket. Vinteren 1895 låg han til fiskje på Valkvæet på Godøya, samstundes ytra han i aviser misnøye over tilsettinga av ny lærar i Barstadvika/Bukta. I 1919 vart han vald inn i heradstyret, som ein av fire barstadvikarar. Fire år seinare vart han og Ole Erdal utpeika til å vere tilsynsmenn for elvaførebyggjing i bygda. Jørgen gifte seg i 1902 med Berte Olsdotter Standal frå Nilsgarden Ytre-Standal. Dei fekk ikkje born.
